Ağdaşda pandemiya ilə əlaqədar karantin rejiminə nəzarət gücləndirilib
Ağdaş, 20 avqust, AZƏRTAC
Koronavirus pandemiyasının yayılmasının qarşısının alınması məqsədilə polis əməkdaşları Ağdaş rayonu ərazisində qapalı məkanlarda, o cümlədən ictimai nəqliyyatda gücləndirilmiş nəzarət-profilaktik tədbirlər həyata keçirir.
Daxili İşlər Nazirliyinin Mətbuat Xidmətinin Şəki regional qrupundan AZƏRTAC-ın bölgə müxbirinə verilən məlumata görə, mağazalarda bəzi alıcı və satıcılar tərəfindən tənəffüs yollarını qoruyan fərdi vasitələrdən istifadə edilmədiyi, eləcə də kassaların önündə sosial məsafə gözlənilmədiyi aşkarlanıb. Onlarla profilaktik söhbətlər aparılıb, əsassız bəhanələr gətirən şəxslərə koronavirus infeksiyasının fəsadları və mövcud sanitar-gigiyenik tələblər izah olunub. Özlərinin və digərlərinin sağlamlığı üçün hər bir şəxsin məsuliyyətli davranmalı olduğu diqqətə çatdırılıb.
İctimai nəqliyyatda - avtobus və taksilərdə də keçirilən nəzarət tədbirləri zamanı tibbi maskadan istifadə etməyən, marşrutlara normadan artıq sərnişin götürməklə sıxlıq yaradan sürücülərə rast gəlinib. Onlara qaydalar izah olunub və barələrində intizam-tənbeh tədbirləri görülüb.
Bölmənin digər xəbərləri
