Ağstafada qanunvericiliyin tələblərini pozan ət satışı məntəqəsinin fəaliyyəti məhdudlaşdırılıb
Bakı, 23 yanvar, AZƏRTAC
Qida Təhlükəsizliyi Agentliyi tərəfindən qida təhlükəsizliyinin təmin edilməsi və istehlakçı hüquqlarının müdafiəsi istiqamətində nəzarət tədbirləri davam etdirilir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, həyata keçirilən nəzarət tədbirləri çərçivəsində Ağstafa rayonunun Dağ Kəsəmən kəndində fiziki şəxs Salahov Zaur Kaloğlan oğluna məxsus ət satışı mağazasına baxış keçirilib.
Baxış zamanı mağazada tavanın tamlığının pozulduğu, ətlərin saxlanılması üçün temperatur rejiminə əməl olunmadığı, eyni zamanda, baytarlıq-sanitariya və texniki normativ sənədlərin tələblərinə əməl edilmədiyi aşkarlanıb. Məlum olub ki, mağazada sanitar qovşaq, mərkəzləşdirilmiş kanalizasiya və su təminatı sistemi mövcud deyil, havalandırma sistemi quraşdırılmayıb.
Məhsullardan nümunələr götürülərək Qida Təhlükəsizliyi İnstitutunun müvafiq laboratoriyalarına göndərilib. Ət satışı məntəqəsinin fəaliyyəti ilə əlaqədar qanunvericiliyə uyğun tədbirlər görülüb.
Bölmənin digər xəbərləri
