AĞSUDA SƏNAYE MƏHSULLARI İSTEHSALI 2,6 DƏFƏ ARTMIŞDIR
Ağsu Rayon Statistika İdarəsindən AZƏRTAC-abildirmişlər ki, ənənəvi kənd təsərrüfatı rayonu olan bölgədə son illər sənaye sahələri sürətlə inkişaf edir.
Təkcə cari ilin birinci yarısında Ağsuda 1 milyon 387 min manatlıq sənaye məhsulları istehsal edilmişdir ki, bu da ötən ilin müvafiq dövründəkindən 2,6 dəfə çoxdur.
Bir sıra emal müəssisələri, o cümlədən “Mehman”, “Billur”, “Ağsu - konserv AM” və “Miri Qrand” MMC-lər yeni emal sexləri hesabına məhsul istehsalını xeyli artırmışlar. Müasir texnoloji avadanlıqlar yüksək keyfiyyətli məhsul istehsalına imkan verir. Rayonda istehsal olunan şirə və cemlər indi nəinki daxili, habelə xarici bazarlarda yaxşı alıcılıq qabiliyyətinə malikdir.
Ağsuda son vaxtlar inşaat sahəsi üçün vacib olan bir sıra istehsal sexləri açılmışdır. Yeni yaradılan tamet, plastik qapı-pəncərə sexləri isehsal həcmini getdikcə artırırlar.
Bölmənin digər xəbərləri
