Aİ səfiri: Şəhərlər iqlim dəyişikliyi ilə mübarizənin ön cəbhəsindədir VİDEO
Bakı, 10 fevral, P.Qafarova, foto İlqar Cəfərov, AZƏRTAC
İqlim dəyişikliyi artıq uzaq və abstrakt qlobal problem deyil, şəhərlərin, icmaların və iqtisadiyyatın gündəlik reallığına birbaşa təsir göstərən faktordur.
AZƏRTAC xəbər verir ki, bu fikirləri Avropa İttifaqının Azərbaycandakı səfiri Mariyana Kuyundziç “Merlər Razılaşması Təşəbbüsü” tədbirində çıxışı zamanı səsləndirib.
Səfir bildirib ki, Azərbaycan artan temperatur, su stresi, ekstremal hava hadisələri və ətraf mühitin deqradasiyası ilə qarşı-qarşıyadır. Onun sözlərinə görə, Xəzər dənizində səviyyə dəyişiklikləri bu proseslərin regionda nə qədər ciddi xarakter aldığını göstərir.
Mariyana Kuyundziç vurğulayıb ki, şəhərlər iqlim tədbirlərinin ön cəbhəsində dayanır: “Çünki enerji istehlakı, nəqliyyat, binaların istilik təminatı və tullantıların yaranması məhz şəhərlərdə baş verir. “Merlər Razılaşması Təşəbbüsü” isə şəhərlərə iqlim hədəflərinə liderlik etmək, milli məqsədləri yerli səviyyədə real tədbirlərə çevirmək üçün güclü çərçivə yaradır”.
Bölmənin digər xəbərləri
