Akademik Milli Dram Teatrının xeyriyyə məqsədi daşıyan layihəsi uğurla davam edir
Bakı, 14 noyabr (AZƏRTAC). Azərbaycan Dövlət Akademik Milli Dram Teatrında Bakı və ətraf qəsəbələrdə yerləşən uşaq evləri üçün A.Şaiqin “Danışan gəlincik” və S.S.Axundovun “Qaraca qız” tamaşaları təqdim edilmişdir.
Teatrın mətbuat xidmətindən AZƏRTAC-a bildirmişlər ki, hər iki tamaşanın quruluşçu rejissoru Əməkdar Artisti Loğman Kərimovdur.
Tamaşadan sonra teatrın foyesində aktyorlarla görüş təşkil edilmiş, viktorinalar, oyunlar keçirilmiş, uşaqlara müxtəlif hədiyyələr paylanılmışdır.
Bu tamaşalar teatrın reallaşdırdığı xeyriyyə məqsədli yeni layihə çərçivəsində nümayiş olunmuşdur. Uşaq evlərində olan azyaşlıların teatra cəlb olunması məqsədi daşıyan bu layihəyə əsasən Akademik Milli Dram Teatrı hər həftə uşaq evləri üçün pulsuz tamaşa nümayiş etdirir.
Bölmənin digər xəbərləri
