ALMANİYA ƏMTƏƏ İXRACINDA DÜNYANIN ÖNCÜL ÖLKƏSİ ADINI ÖZÜNDƏ SAXLAMAQ ƏZMİNDƏDİR

10.11.2006 [15:56]
Çap et
A⁺ A^-

AZƏRTAC-ın xüsusi müxbiri Almaniya Federal Topdansatış və Xarici Ticarət Departamentinin N-TV televiziya kanalı saytında yerləşdirdiyi məlumata istinadla xəbər verir ki, Yaxın Şərq böhranı və dünya yanacaq bazarında xam neftin bahalığı amillərinin mənfi təsir göstərməsinə baxmayaraq, Almaniya gələcəkdə yenə də dünya əmtəə bazarına “Made in Germany” markası ilə mal ixrac etməklə dörd il dalbadal qazandığı “Dünyanın ən öncül ixrac ölkəsi” adını qoruyub-saxlamaq əzmindədir.

Departamentin prezidenti Anton Bernerin bildirdiyi kimi, Almaniya 2006-cı ildə dünya istehlak bazarına bu marka altında 790 milyard avroluqdan çox yüksək keyfiyyətli mal ixrac etmiş və ixracın artımını 11 faizə çatdırmışdır. 2007-ci ildə ixracın 6 faiz olacağı gözlənilir.

Ekspertlərin qənaətinə görə, Yaxın Şərq böhranı və avronun məzənnəsinin 10 faizə qədər zəifləməsi Almaniyanın dünya bazarına əmtəə ixracında rəqabət imkanlarına müsbət təsir göstərmişdir. Alman firmaları Cənub-Şərqi və Şərqi Asiyaya, Mərkəzi və Şərqi Avropaya, o cümlədən Rusiyaya ixracı genişləndirmişlər.

Avro məzənnəsinin qeyri-sabitliyinə baxmayaraq, “Made in Germany” keyfiyyət nişanlı alman əmtəələri ABŞ-ın idxal bazarlarında da öz layiqli yerini tutmuşdur.

ALMANİYA ƏMTƏƏ İXRACINDA DÜNYANIN ÖNCÜL ÖLKƏSİ ADINI ÖZÜNDƏ SAXLAMAQ ƏZMİNDƏDİR

MÜƏLLİFLƏ ƏLAQƏ

Bölmənin digər xəbərləri