İQTİSADİYYAT
Apreldə “Azexport.az” portalına 33 milyon dollarlıq ixrac sifarişləri daxil olub
Bakı, 31 may, AZƏRTAC
Bu ilin aprel ayında “Azexport.az” portalına 33 milyon ABŞ dolları dəyərində ixrac sifarişləri daxil olub.
AZƏRTAC İqtisadi İslahatların Təhlili və Kommunikasiya Mərkəzinin “İxrac İcmalı”nın may sayına istinadla xəbər verir ki, yanvar-aprel aylarında isə “Azexport.az” portalına daxil olan ixrac sifarişlərinin dəyəri 164,2 milyon dollar təşkil edib.
Ötən ay “Azexport.az” portalında ən çox ixrac sifarişi pambıq, pomidor, kartof, soğan, toyuq əti, quru süd, biyan kökü, pambıq yağı, toyuq yumurtası, çay, mühərrik yağı, şərab, tikinti materialı, qənnadı məhsulu, bal, alma, tekstil, nar şirəsi, zəfəran, noxud, enerji içkisi və sair mallara daxil olub.
Qeyd edək ki, 2017-ci ilin yanvar ayından cari il aprelin 30-dək (52 ay ərzində) “Azexport.az” portalına 145 ölkədən daxil olan ixrac sifarişlərinin dəyəri 2 milyard 359 milyon dollar olub.