AQRAR ELM SAHƏSİNDƏ AZƏRBAYCAN-İRAN ƏLAQƏLƏRİ GENİŞLƏNİR
Elmi Tədqiqat Bağçılıq və Subtropik Bitkilər İnstitutu qonşu ölkənin Kərəc şəhərindəki Elmi Tədqiqat Toxum və Bitki Seleksiyası İnstitutuna 11 sort fındıq tingi göndərmiş, İranda yetişdirilən 8 fındıq sortu isə sınaq üçün Azərbaycana gətirilmişdir.
Azərbaycan Elmi Tədqiqat Eroziya və Suvarma İnstitutunun əməkdaşları Kərəc və Ərdəbildə kartof, şəkər çuğunduru becərilən, eroziyaya uğramış torpaqların münbitliyini artırmaq istiqamətində tədqiqatları başa çatdırmışlar. Bu il iranlı mütəxəssislər ölkəmizdə süni mayalama üzrə seminar-müşavirə keçirmiş, Yevlax rayonunda 5 nəfərə camışlarda süni mayalama texnikası ilə işləməyin qaydalarını öyrətmişlər. İranlı mütəxəssislər nazirliyin heyvandarlıq məhsullarının istehsalı, emalı, damazlıq işi və otlaqlar şöbəsində, Abşeron, Sabirabad rayonlarının heyvandarlıq təsərrüfatlarında iş təcrübəsi ilə tanış olmuşlar.
Azərbaycan və İran kənd təsərrüfatı nazirlərinin bir müddət əvvəl Antalyada keçirilmiş görüşündə aqrar sahədə əməkdaşlığın genişləndirilməsi üçün mövcud imkanlar və perspektivlər müzakirə edilmişdir.
Bölmənin digər xəbərləri
