AŞPA-NIN SƏDRİ AZƏRBAYCAN VƏ ERMƏNİSTAN NÜMAYƏNDƏ HEYƏTLƏRİNİN RƏHBƏRLƏRİ İLƏ GÖRÜŞMÜŞDÜR
AZƏRTAC-ın xüsusi müxbiri xəbər verir ki, oktyabrın 1-də Avropa Şurası Parlament Assambleyasının (AŞPA) sədri Luis Mariya de Puç Azərbaycan və Ermənistan nümayəndə heyətlərinin rəhbərləri ilə görüşmüşdür.
Tədbirdə qurumun Dağlıq Qarabağ üzrə alt komitəsinin fəaliyyətinin bərpası əsas müzakirə predmeti olmuşdur. Luis Mariya de Puç komitənin rəhbəri lord Rassel Constonun dünyasını dəyişdikdən sonra onun yerinə yeni sədrin seçilməsinin vacibliyini vurğulamışdır.
Sonda qış sessiyası zamanı Azərbaycan və Ermənistan nümayəndə heyətlərinin konkret təkliflərlə AŞPA sədrinin yanında növbəti dəfə görüşmələri və həmin vaxt alt komitənin gələcək fəaliyyəti ilə bağlı öz münasibətlərini bildirmələri qərara alınmışdır.
Görüşdə AŞPA-nın baş katibi Mateo Sorinas iştirak etmişdir.
Bölmənin digər xəbərləri
