Aşura günü münasibətilə könüllü qanvermə aksiyaları keçiriləcəkdir
Bakı, 13 noyabr (AZƏRTAC). Aşura günü münasibətilə Səhiyyə Nazirliyi və Qafqaz Müsəlmanları İdarəsi qana ehtiyacı olan xəstələrə yardım məqsədi ilə könüllü qanvermə aksiyaları təşkil edəcəkdir.
Nazirliyin mətbuat xidmətindən AZƏRTAC-a bildirmişlər ki, aksiyalar noyabrın 14-də Bakıdakı В.Eyvazov adına Elmi Tədqiqat Hematologiya və Transfuzioloqiya İnstitutunda, habelə Bakıdakı Təzəpir, Mirmövsüm ağa, İçərişəhər Cümə, Hacı Soltanəli və Keşlə qəsəbə məscidlərində keçiriləcəkdir. Qanvermə aksiyaları həmin gün Sumqayıt, Lənkəran, Şəki və Bərdənin məscidlərində də təşkil olunacaqdır.
Aksiyalara səhər 9:00-dan başlanacaqdır.
Tədarük olunan qan hemofiliyalı və talassemiyalı, həmçinin digər xəstələrin müalicəsində istifadə ediləcəkdir.
Bölmənin digər xəbərləri
