ATLETLƏRİN BAKI BİRİNCİLİYİNƏ YEKUN VURULMUŞDUR
Bakı, 5 yanvar (AZƏRTAC). Respublika Olimpiya Mərkəzində 1991-92-ci illər təvəllüdlü oğlan və qızlar arasında keçirilən atletika üzrə Bakı birinciliyinə yekun vurulmuşdur.
Leyla Ələsgərova və Rasim Babayev kürə itələmədə (10 metr), Rahib Məmmədov 60 metr məsafəyə sədlərlə qaçışda, Dinarə Osmanova və Murad İbadullayev üçtəkanla tullanmaq üzrə, Səbinə Əsgərova və Turan Sadıxlı 1500 metr məsafəyə qaçışda, Şəfa Məmmədova və Elmir Cəbrayılov 400 metr məsafəyə qaçışda, Alyona Seçina və Dmitriy Sidorov 60 metr məsafəyə qaçışda, Vladislav Burdakov hündürlüyə tullanmaqda, Dinarə Osmanova və Murad İbadullayev uzunluğa tullanmaqda, Alyona Setina və Elmir Cəbrayılov 200 metr məsafəyə qaçışda, Şəfa Məmmədova və Kamran Məmmədov 800 metr məsafəyə qaçışda və Müzəffər Salamov 3000 metr məsafəyə qaçışda Bakı çempionu olmuşlar.
Qaliblər Bakı Şəhər Gənclər və İdman Baş İdarəsi tərəfindən mükafatlandırılmışlar.
Bölmənin digər xəbərləri
