AVROPA BİRLİYİ 21 LAYİHƏNİN HƏYATA KEÇİRİLMƏSİNƏ KÖMƏK EDƏCƏK
Gələn il Avropa Birliyi Azərbaycan hökuməti ilə birlikdə Fövqəladə yardım proqramı çərçivəsində 21 layihəni həyata keçirməyi nəzərdə tutur. Layihələrin büdcəsi 10 milyon 700 min avro məbləğindədir və onun əksər hissəsini Avropa Birliyi verəcəkdir.
Layihələr bir sıra səhiyyə obyektlərinin, əlil və uşaq evlərinin yenidən qurulmasına, Bakı radioaktiv tullantılar mərkəzinin və onun ehtiyat anbarının yaradılmasına, M.F.Axundov adına Dövlət Kitabxanasının fondunun qorunub saxlanmasının təmin edilməsinə, Vayxır dəryaçası və qovşağı üzrə işlərin birinci mərhələsinin başa çatdırılmasına yönəldilmişdir. Layihələri Azərbaycanın İşğaldan Azad Olunmuş Ərazilərinin Bərpası və Yenidənqurulması Agentliyi həyata keçirəcək, nəzarət işlərini isə Avropa Birliyinin məsləhətçiləri yerinə yetirəcəklər. Müvəqqəti işlərə 2 minədək yerli sakin cəlb ediləcəkdir.
Bölmənin digər xəbərləri
