AVROPA BİRLİYİNİN DƏSTƏYİ İLƏ HƏYATA KEÇİRİLƏN LAYİHƏNİN TƏQDİMATI OLMUŞDUR
AZƏRTAC xəbər verir ki, Dövlət Neft Akademiyasının rektoru, AMEA-nın müxbir üzvü Siyavuş Qarayev təhsilimizə göstərilən dövlət qayğısından, TEMPUS proqramı çərçivəsində həyata keçirilən layihələrdən danışmışdır.
Təhsil naziri Misir Mərdanov ölkəmizin ali məktəblərində yeni tələblərə cavab verən yüksək ixtisaslı kadrlar hazırlamaq üçün həyata keçirilən tədbirlərin əhəmiyyətindən söhbət açmış, müasir tədris proqramlarından istifadə edilməsinin vacibliyini diqqətə çatdırmışdır.
Avropa Komissiyasının, Almaniyanın Bakıdakı səfirliyinin nümayəndələri cəmiyyətin inkişafında təhsilin müstəsna rolundan, Avropa ölkələrinin universitetləri ilə Azərbaycanın ali təhsil müəssisələri arasındakı əlaqələrin, elmi mübadilələrin genişləndirilməsinin vacibliyini söyləmişlər.
Sonra “Avtomatlaşdırma və informasiya texnikası”, “Elektroenergetika”, “Ətraf mühit” texnikası ixtisasları üzrə yeni bakalavr və magistr təhsil pillələrinin yeniləşdirilməsi və açılmasını nəzərdə tutan layihələr barədə məlumat verilmişdir.
