Avropa çempionatında 8 velosipedçimiz yarışacaq
Bakı, 5 iyul, AZƏRTAC
Avqustun 6-9-da Estoniyanın Tartu şəhərində velosiped idmanının şose növü üzrə U-23 və gənclər kateqoriyası üzrə Avropa çempionatı keçiriləcək. Nüfuzlu yarışda Azərbaycanın idman şərəfini 8 velosipedçi qoruyacaq.
AZƏRTAC xəbər verir ki, yarışın proqramına əsasən, velosipedçilərimiz avqustun 7-də fərdi, 9-da isə qrup ötüşməsində çıxış edəcəklər. Heyətə gəlincə, gənclər arasında Kənan Qəhrəmanlı, Tərlan Məmmədov, Maksim Naperstkov və Nicat Oruczadə mübarizə aparacaq.
U-23 yaş kateqoriyasında isə “Synergy Baku” kontinental komandasının da şərəfini qoruyan Samir Cəbrayılov, Elgün Əlizadə, İsmayıl İlyasov və Ənvər Asanov bacarıqlarını nümayiş etdirəcəklər. Xatırladaq ki, Avropa çempionatları tarixində ən yüksək nəticəmizə ötən il İsveçrədə keçirilən yarışda Elgün Əlizadə imza atıb. Həmin vaxt gənclər arasında çıxış edən təmsilçimiz qrup ötüşməsində 12-ci yeri tutulub.
Bölmənin digər xəbərləri
