Avropa Şurasının üzvü olan ölkələrin vətəndaşları Əfqanıstandan vətənlərinə Daşkənd aeroportu vasitəsilə göndərilir
Daşkənd, 20 avqust, AZƏRTAC
Avropa Şurasının üzvü olan ölkələrin vətəndaşlarının Əfqanıstandan vətənlərinə göndərilməsi Daşkənd aeroportu vasitəsi ilə həyata keçirilir.
AZƏRTAC Özbəkistan Nəqliyyat Nazirliyinin mətbuat xidmətinə istinadla xəbər verir ki, avqustun 19-dan hava limanının “Daşkənd-3” terminalı bu məqsəd üçün ayrılıb.
Bildirilir ki, bu ölkələrin vətəndaşları Kabildən Daşkənd aeroportuna gətirilir, tranzit zonada öz ölkələrinin təyyarələrini gözləyir. Avropa Şurasının üzvü olan ölkələrin qurumları ilə işləyən Əfqanıstan vətəndaşları da onların sırasındadır.
Materialda qeyd edilir ki, Almaniya bir gün ərzində Kabildən 900-dən çox vətəndaşını Daşkəndə gətirib.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
