AVSTRİYA ORDUSU AĞIR SİLAHLARINI DƏYƏR-DƏYMƏZİNƏ SATIR
AZƏRTAC-ın Vyanadan aldığı xəbərə görə, Avstriya ordusu ağır silahlarını, poliqonlarını dəyər-dəyməzinə satır. Bitərəf ölkə olduğunu yarım əsr əvvəl elan edən ölkə yerüstü qüvvələrin silahlarının çox hissəsini satmaq niyyətindədir. Avstriya bu silahların modernləşdirilməsinə 90-cı illərin ortalarında 500 milyon dollar xərcləmişdir.
Hələ keçən il Misir Avstriyadan xeyli ucuz qiymətə M-60 markalı 160 ağır tank almışdır. İndi 800 zirehli transportyor və piyada döyüş maşını (onlardan bəzilərində raketlər var), habelə 180 motorlu ağır top satışa çıxarılmışdır.
