AYDAN SALAHOVA RUSİYA İCTİMAİ PALATASININ ÜZVÜDÜR
Prezident Vladimir Putin öz fərmanı ilə RF İctimai Palatasının 42 üzvünü təsdiq etmişdir. Buraya dövlət və ictimaiyyət qarşısında xüsusi xidmətləri olan vətəndaşlar daxildir.
Rusiya Prezidentinin təsdiq etdiyi üzvlər arasında həmyerlimiz, tanınmış rəssam, Aydan Salahova da var. O, Moskvada və xaricdə kifayət qədər tanınmış rəssamdır. V.Surikov adına Moskva Dövlət Rəssamlıq İnstitutunun məzunu olan A.Salahova Moskvada müasir sənət nümunələri nümayiş etdirilən “Birinci qalereya” adlı ilk özəl qalereyanın yaradıcısıdır. Bununla yanaşı, onun 1992-ci ildə yaradılmış “Aydan qalereya”sı da Moskvada məşhurdur. Rəssamın əsərləri Dövlət Tretyakov Qalereyasında (Moskva), Faridek Cadot və E.N.Gallery qalereyasında (Nyu-York) , Müasir İncəsənət Muzeyində, bir sıra özəl kolleksiyalarda saxlanılır.
Bölmənin digər xəbərləri
