“Azagroplan” şirkəti İsmayıllıda hər hektardan 400 sentnerdən çox kartof götürür
İsmayıllı, 20 avqust, AZƏRTAC
İsmayıllı rayonunun Talıstan kəndi ərazisində sənaye üsulu ilə kartof əkib yetişdirən “Azagroplan” şirkəti hazırda məhsul yığımını davam etdirir və hər hektardan 400 sentnerdən çox kartof götürür.
AZƏRTAC-ın bölgə müxbiri xəbər verir ki, məhsul yığımına 50 nəfərdən çox işçi qüvvəsi, kifayət qədər texnika cəlb olunub. İşçilərin əməkhaqqısı hər günün sonunda ödənilir. İstehsal olunan məhsul daxili bazarda satılır.
Qeyd edək ki, İsmayıllıda cari mövsümdə 926 hektar sahədə kartof yetişdirilib və bunun 315 hektarı sənaye üsulu ilə əkilib. Sənaye üsulu ilə əkilib yetişdirilən sahələrdən hazırda 350-400 sentner kartof yığılır. Cari mövsümdə rayonda 15000 ton kartof istehsalı proqnozlaşdırılır.
Bölmənin digər xəbərləri
