AZƏRBAYCAN ABŞ-DAKI TERRORLARIN QURBANLARININ XATIRƏSINI YAD ETDI
Amerika Birləşmiş Ştatlarının Nyu-York və Vaşinqton şəhərlərində törədilmiş dəhşətli terrorların qurbanlarının xatirəsi respublikamızda yad olunmuşdur.
Azərbaycan Prezidenti Heydər Əliyevin Sərəncamına uyğun olaraq, sentyabrın 13-də saat 12-də respublikamızın ərazisində terror qurbanlarının xatirəsi bir dəqiqəlik sükutla yad edildi. Həmin vaxt Azərbaycanın hər yerində hərəkət dayandırılmış, dövlət bayraqları endirilmişdir.
Sentyabrın 11-də ABŞ-da törədilmiş terror aktları barədə xəbər yayılandan az sonra Azərbaycan Respublikasının Prezidenti Heydər Əliyev ABŞ Prezidenti cənab Corc Buşa başsağlığı teleqramı göndərmişdir.
Dövlətimizin başçısı ertəsi gün verdiyi bəyanatında terrorçuluğun qorxunc və acı nəticələrini öz üzərində dəfələrlə hiss edən Azərbaycan xalqının bu faciəli günlərdə Amerika xalqının müsibətini hamıdan yaxşı anladığını və onun kədərinə şərik çıxdığını bildirmiş, müasir dövrdə sərhəd tanımayan terrorçuluğu qlobal problem kimi qiymətləndirərək bəyan etmişdir ki, terrorçuluğa qarşı həmişə mübarizə aparan Azərbaycan bu sahədə daha artıq qətiyyətlə dünyanın bütün ölkələri ilə əməkdaşlığa hazırdır.
Bölmənin digər xəbərləri
