AZƏRBAYCAN BOKSÇULARI AVROPA ÇEMPİONATINDA UĞURLU ÇIXIŞLARINI DAVAM ETDİRİRLƏR
40-dək ölkənin boksçusunun mübarizə apardığı yarışda Azərbaycan baş məşqçi Məmməd Eyvazovun rəhbərliyi ilə 11 nəfərdən ibarət yığma komanda ilə təmsil olunur. Ceyhun Əbiyev (48 kq) belarus boksçusu Anton Bekeş və Uels təmsilçisi Məhəmməd Nasirlə keçirdiyi görüşlərdə qalib gəlmişdir. Onun komanda yoldaşları Romal Amanov (60 kq) bolqarıstanlı Samet Hüseynovu, Emil Məhərrəmov (64 kq) isə slovakiyalı Pavel Hlvakı yarışlardan kənarlaşdırmışlar. Ağır çəkili idmançıların yarışında Elçin Əlizadə (91 kq) çexiyalı Viktor Lukaşı, Emil Kərimov (91 kq-dan yuxarı) Niderland boksçusu Coy Canasiyanı məğlub etmişlər. Yalnız Nəsimi Aydınov (69 kq) bolqarıstanlı Spas Genova uduzaraq çempionatdakı çıxışını başa vurmuşdur.
İyulun 17-də keçiriləcək görüşlərdə Samir Məmmədov (51 kq) italiyalı Pikari Vinçenzo (Latviya), Şahin İmranov (57 kq) Celxir Kedafi (Fransa), Cavid Tağıyev (81 kq) isə Andreys Barabanovs (Latviya) ilə qarşılaşacaqlar.
Çempionatın final görüşləri iyulun 23-də keçiriləcəkdir.
Bölmənin digər xəbərləri
