AZƏRBAYCAN GÜLƏŞÇİLƏRİ AVROPA ÇEMPİONATINDA ÜÇ QIZIL, ÜÇ BÜRÜNC MEDAL QAZANMIŞLAR
AZƏRTAC xəbər verir ki, Varşavada sərbəst və yunan-Roma güləşi üzrə yeniyetmələrin Avropa birinciliyi başa çatmışdır.
Baş məşqçi Rəşad Rəşidovun rəhbərlik etdiyi yunan-Roma güləşi üzrə Azərbaycan yığma komandasının üzvləri - Eldəniz Əzizli (42 kq), Qasım Məmmədov (50 kq) və Tural Hüseynov (63 kq) bütün rəqiblərinə qalib gələrək fəxri kürsünün ən yüksək pilləsinə qalxmışlar.
Digər idmançılarımız Xurşud Babaşov (46 kq), Orxan Paşayev (54 kq) və Araz Vəliyev (58 kq) isə bürünc medallara sahib olmuşlar.
Bu nəticə ilə Azərbaycan yığması komanda hesabında ikinci yerə çıxmışdır.
Bölmənin digər xəbərləri
