Azərbaycan-Gürcüstan diplomatik münasibətlərinin 30 illiyinə həsr olunmuş kitab hazırlanıb
Tbilisi, 18 noyabr, AZƏRTAC
Bu gün Azərbaycan-Gürcüstan diplomatik əlaqələrinin qurulmasının 30 ili tamam olur. Azərbaycanın və Gürcüstanın Xarici İşlər nazirliklərinin birgə təşəbbüsü və səyi ilə diplomatik münasibətlərimizin 30 illiyinə həsr olunmuş yeni kitab hazırlanıb.
Bu sözləri AZƏRTAC-a müsahibəsində Azərbaycanın Gürcüstandakı səfiri Faiq Quliyev söyləyib.
Diplomat bildirib ki, kitab yaxın vaxtlarda ictimaiyyətə təqdim olunacaq.
Kitabda diplomatik münasibətlərimizin 30 illik tarixi ilə yanaşı, Azərbaycan-Gürcüstan qonşuluq, dostluq və qardaşlıq münasibətlərinin qədim tarixi, ötən illər ərzində qazanılan uğurlar və digər proseslər xronoloji ardıcıllıqla əksini tapıb”, - deyə F.Quliyev vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
