Azərbaycan hakimləri Beynəlxalq Basketbol Federasiyası tərəfindən yeni təyinatlar almışlar
Bakı, 30 oktyabr (AZƏRTAC). Azərbaycanın basketbol üzrə beynəlxalq dərəcəli hakimləri yeni təyinat almışlar.
AZƏRTAC xəbər verir ki, Beynəlxalq Basketbol Federasiyası yeni mövsümdə hakimlərimiz Ələkbər Həsənov və Ruslan Xalıqova etimad göstərmişdir. Belə ki, kişilər arasında AvroÇelenc yarışlarında “Triumph Lyubertsy”-“Körmend”, qadınlar arasında Avrokubok yarışları çərçivəsində “Dinamo Kursk”-“Tsmoki-Minsk” və “Büyükseher Belediye”-“Dunav 8806” oyunlarını Ə.Həsənov idarə edəcəkdir.
R.Xalıqov isə qadınlar arasında Avrokubok yarışları çərçivəsində keçiriləcək “Çevakata”-“Norrköping Dolphins” və “Adana Botas”-“Tsmoki-Minsk” qarşılaşmalarına təyinat almışdır.
Bölmənin digər xəbərləri
