AZƏRBAYCAN “İNTERSPUTNİK”İN BƏRABƏRHÜQUQLU ÜZVÜ OLMUŞDUR
AZƏRTAC-ın müxbiri xəbər verir ki, Rabitə və İnformasiya Texnologiyaları Nazirliyində Azərbaycan hökuməti ilə “İntersputnik” Beynəlxalq Kosmik Rabitə Təşkilatı arasında saziş imzalanmışdır. Sənədi Azərbaycan hökuməti adından rabitə və informasiya texnologiyaları naziri Əli Abbasov və “İntersputnik”in baş direktoru Gennadi Kudryavtsev imzalamışlar.
Əli Abbasov “İntersputnikin” fəaliyyəti barədə məlumat vermiş, sazişin əhəmiyyətindən danışmışdır.
Gennadi Kudryavtsev bildirmişdir ki, “İntersputnik” Beynəlxalq Kosmik Rabitə Təşkilatının bərabərhüquqlu üzvü olan Azərbaycan Ekspress, Horizont, LMİ-1, Ekspress-A kosmik peyklərinin imkanlarından istifadə edə biləcəkdir.
