AZƏRBAYCAN KOMANDASI AVROPA ÇEMPİONATINDA İLK QƏLƏBƏSİNİ QAZANMIŞDIR
Bakı, 23 oktyabr (AZƏRTAC). Serbiyanın Novi-Sad şəhərində start götürmüş şahmat üzrə Avropa çempionatının komanda birinciliyində Azərbaycanın kişilərdən ibarət komandası Avstriya yığmasına qalib gəlmişdir.
Avstriya komandasını 3:1 hesabı ilə məğlub edən şahmatçılarımız çempionata qələbə ilə başlamışlar. Beləki, Şəhriyar Məmmədyarov və Rauf Məmmədov rəqiblərini məğlub etmiş, Teymur Rəcəbov və Vüqar Həşimov isə oyunlarını heç-heçə başa vurmuşlar.
Qadın şahmatçılarımızın Fransa komandası ilə qarşılaşması 2:2 hesabı ilə nəticələnmişdir. Komandamıza mühüm xalları Zeynəb və Türkan Məmmədyarova bacıları qazandırmışlar. Nərmin Kazımova və Xəyalə İsgəndərova fransalı rəqiblərinə uduzmuşlar.
Avropa çempionluğu uğrunda 38 kişi və 28 qadın komandası mübarizə aparır.
Bölmənin digər xəbərləri
