AZƏRBAYCAN KOMANDASI DÜNYA ÇEMPİONATINDA 3-CÜ YERƏ YÜKSƏLMİŞDİR
Bakı, 11 yanvar (AZƏRTAC). Türkiyənin Bursa şəhərində keçirilən şahmat üzrə komandalararası dünya çempionatının altıncı turunda aşağıdakı nəticələr qeydə alınmışdır: Azərbaycan-İsrail 2:2, Ermənistan-Yunanıstan 1:3, ABŞ- Braziliya 3:1, Türkiyə-Misir 2:2, Hindistan-Rusiya 1,5:2,5.
Altı turun yekununa görə, ABŞ və Rusiya 10 xalla 1-2-ci yerləri bölüşürlər. Azərbaycan, Ermənistan, İsrail, Hindistan (7 xal) 3-6-cı, Yunanıstan (6 xal) 7-ci, Misir (3 xal) 8-ci, Braziliya (2 xal) 9-cu, Türkiyə (1 xal) 10-cu yerləri tutur.
Qeyd edək ki, şəxsi göstəricilərə görə, Azərbaycan komandası turnir cədvəlinidə 3-cü pilləyə yüksəlmişdir.
Yanvarınn 11-də Azərbaycan yığmasının rəqibi Braziliya şahmatçıları olacaqdır.
Bölmənin digər xəbərləri
