AZƏRBAYCAN KOMANDASI DÜNYA ÇEMPİONATINDA 6-CI PİLLƏYƏ ENMİŞDİR

09.01.2010 [11:42]
Çap et
A⁺ A^-

Bakı, 9 yanvar (AZƏRTAC). Türkiyənin Bursa şəhərində keçirilən şahmat üzrə dünya çempionatının dördüncü turunda aşağıdakı nəticələr qeydə alınmışdır: Azərbaycan - Rusiya 1,5:2,5, Türkiyə - Hindistan 1:3, Yunanıstan - İsrail 1,5:2,5, ABŞ - Misir 3:1, Ermənistan - Braziliya 2,5:1,5.

Dörd turun yekununa görə, ABŞ və Ermənistan 6 komanda xalı (10 şəxsi), İsrail və Rusiya 6 komanda xalı (9,5), Hindistan 6 komanda xalı (9), Azərbaycan 4 komanda xalı (8,5), Braziliya və Yunanıstan 2 komanda xalı (7), Misir 2 komanda xalı (6), Türkiyə 0 komanda xalı (3,5) toplamışlar.

Yanvarın 9-da Azərbaycan yığması Misir şahmatçıları ilə qarşılaşacaqdır.