AZƏRBAYCAN KOMANDASI HƏLLEDİCİ GÖRÜŞDƏ ABŞ YIĞMASI İLƏ QARŞILAŞACAQDIR
Bakı, 13 yanvar (AZƏRTAC). Türkiyənin Bursa şəhərində keçirilən şahmat üzrə komandalararası dünya çempionatının səkkizinci turunda aşağıdakı nəticələr qeydə alınmışdır: Azərbaycan-Yunanıstan - 3:1, Rusiya-Misir - 3,5:0,5, Hindistan-İsrail - 2,5:1,5, Türkiyə-Braziliya - 1,5:2,5, Ermənistan-ABŞ - 2,5:1,5.
Səkkiz turun yekununa görə, Rusiya (13 xal) 1-ci, ABŞ (12 xal) 2-ci, Azərbaycan və Hindistan (11 xal) 3-4-cü, Ermənistan (10 xal) 5-ci, İsrail (7 xal) 6-cı, Yunanıstan (6 xal) 7-ci, Braziliya (4 xal) 8-ci, Misir (3 xal) 9-cu, Türkiyə (3 xal) 10-cu yerdə qərarlaşmışdır.
Qeyd edək ki, şəxsi göstəricilərə görə, Azərbaycan komandası Hindistan yıqmasını qabaqlayaraq, 3-cü pillədəki mövqeyini qorumuşdur.
Yanvarınn 13-də keçiriləcək son turda aşağıdakı komandalar qarşılaşacaqlar: ABŞ-Azərbaycan, Yunanıstan-Türkiyə, Braziliya-Hindistan, İsrail-Rusiya, Misir-Ermənistan.
Bölmənin digər xəbərləri
