AZƏRBAYCAN KONSTİTUSİYA MƏHKƏMƏSİNİN SƏDRİLATVİYADA SƏFƏRDƏ OLMUŞDUR

13.12.2006 [19:59]
Çap et
A⁺ A^-

Azərbaycan Respublikası Konstitusiya Məhkəməsinin mətbuat xidmətindən AZƏRTAC-a bildirmişlər ki, məhkəmənin sədri Fərhad Abdullayev Latviya Respublikası Konstitusiya Məhkəməsinin sədri Ayvars Endzinşin dəvəti ilə Riqa şəhərində səfərdə olmuşdur. Səfər çərçivəsində F.Abdullayev Latviya Konstitusiya Məhkəməsinin on illik yubileyinə həsr olunmuş “Konstitusiyada təsbit olunmuş dəyərlərin Konstitusiya Məhkəməsi tərəfindən müdafiə olunması” mövzusunda beynəlxalq konfransda iştirak etmişdir.

Konfransda vətəndaşların Konstitusiya Məhkəməsinə müraciət etmə prosedurları, fərdi şikayətlərə baxılması, məhkəmə qərarlarında beynəlxalq hüquq normalarının və beynəlxalq məhkəmələrin presedentlərinin tətbiqi ilə bağlı geniş fikir mübadiləsi aparılmışdır.

Yubiley tədbirinin iştirakçılarını Latviya Respublikasının Prezidenti xanım Vayra Vike-Freyberqa öz iqamətgahında qəbul etmişdir.

Səfər zamanı Fərhad Abdullayev latviyalı həmkarı Ayvars Endzinş ilə görüşmüş və Azərbaycan-Latviya arasında konstitusiya ədalət mühakiməsi sahəsində beynəlxalq əməkdaşlığın perspektivlərini müzakirə etmişdir.

AZƏRBAYCAN KONSTİTUSİYA MƏHKƏMƏSİNİN SƏDRİLATVİYADA SƏFƏRDƏ OLMUŞDUR

MÜƏLLİFLƏ ƏLAQƏ

Bölmənin digər xəbərləri