Azərbaycan Milli Paralimpiya Komitəsinin prezidenti pauerliftinq üzrə dünya rekordçusu ilə görüşüb
Bakı, 14 avqust, AZƏRTAC
Xəbər verdiyimiz kimi, Almatıda pauerliftinq üzrə açıq çempionat keçirilib.
AZƏRTAC xəbər verir ki, çempionata 30 ölkədən 220 paralimpiyaçı idmançı qatılıb. Çempionatda Azərbaycan Milli Paralimpiya Komitəsinin üzvü Elşən Hüseynov 107 kiloqram çəki dərəcəsində 242 kiloqramı qaldıraraq qızıl medal qazanmaqla yanaşı, dünya rekordunu da təzələyib. Elşən Hüseynov hazırda beynəlxalq reytinq cədvəlində birinci yerdədir.
Komitənin prezidenti İlqar Rəhimov Elşən Hüseynov və pauerliftinq üzrə milli komandanın baş məşqçisi İlqar İbişov ilə görüşüb. İ.Rəhimov idmançını qazandığı qələbə münasıbətilə təbrik edərək ona uğurlar arzulayıb.
Milli komandanın baş məşqçisi Almatıda keçirilmiş çempionat haqqında məlumat verib.
Görüşdə qarşıda duran vəzifələr geniş müzakirə edilib.
Bölmənin digər xəbərləri
