Bakı, 6 sentyabr (AZƏRTAC). Futbol üzrə 17 yaşadək qızlardan ibarət Azərbaycan yığması Moldovada təşkil olunmuş təlim-məşq toplanışı çərçivəsində yoldaşlıq oyunu keçirib.

AFFA-dan AZƏRTAC-a bildiriblər ki, moldovalı həmyaşıdları ilə qarşılaşan futbolçularımız 4:0 hesabı ilə qələbə qazanıblar. Qolları Roza Quliyeva, Manə Mollayeva (2 qol) və Merve Özdemir vurublar.

Xatırladaq ki, bu komandalar arasında sentyabrın 3-də keçirilmiş oyun da yığmamızın qələbəsi ilə başa çatmışdı - 5:2.