Azərbaycan Premyer Liqası: “Qəbələ” “Turan Tovuz”u darmadağın edib
Bakı, 25 noyabr, AZƏRTAC
Futbol üzrə Azərbaycan Premyer Liqasında XIV turun növbəti oyunu keçirilib.
AZƏRTAC xəbər verir ki, Qəbələnin eyniadlı komandası doğma meydanda “Turan Tovuz”la qarşılaşıb. Görüş meydan sahiblərinin 4:0 hesablı qələbəsi ilə başa çatıb.
“Qırmızı-qaralar”ın heyətində Bilel Auşeriya het-trik edib. Fransalı yarımmüdafiəçi 42-ci, 49-cu və 85-ci dəqiqələrdə fərqlənib. Digər qolu isə 53-cü dəqiqədə Tete vurub.
Bu qələbədən sonra xallarını 11-ə çatdıran “Qəbələ” son pilləni tərk edərək 9-cu sıraya yüksəlib. 15 xalı olan “Turan Tovuz” isə 8-ci yerdə qalıb.
Qeyd edək ki, turun əvvəlki oyunlarında “Qarabağ” səfərdə “Sabah”a 2:1 hesabı ilə qalib gəlib, “Səbail” isə evdə “Kəpəz”lə qolsuz heç-heçə edib. Tura noyabrın 26-da keçiriləcək “Neftçi” - “Araz-Naxçıvan” və “Sumqayıt” - “Zirə” matçları ilə yekun vurulacaq.
Bölmənin digər xəbərləri
