AZƏRBAYCAN PREZİDENTİ İLHAM ƏLİYEVİN FRANSAYA SƏFƏRİ AZƏRBAYCANIN FRANSADAKI SƏFİRLİYİNİN YENİ BİNASININ AÇILIŞ MƏRASİMİ

AZƏRBAYCAN PREZİDENTİ İLHAM ƏLİYEVİN FRANSAYA SƏFƏRİ
AZƏRBAYCANIN FRANSADAKI SƏFİRLİYİNİN YENİ BİNASININ AÇILIŞ MƏRASİMİ

02.06.2006 [15:48]
Çap et
A⁺ A^-

Xəbər verdiyimiz kimi, mayın 29-da Parisdə Azərbaycanın Fransadakı səfirliyinin yeni binasının açılış mərasimi olmuşdur. Mərasimdə Fransanın yüksək vəzifəli rəsmi şəxsləri, Parisdəki diplomatik korpusun təmsilçiləri, Fransanın məşhur şirkətlərinin, ictimaiyyətin nümayəndələri, bu ölkənin Bakıdakı keçmiş səfirləri, Azərbaycan Milli Məclisinin deputatları, diasporumuzun nümayəndələri iştirak edirdilər.

Açılış mərasiminə toplaşanlar Azərbaycan Prezidenti İlham Əliyevi və xanımı Mehriban Əliyevanı səmimiyyətlə qarşıladılar.

Dövlətimizin başçısı “Azərbaycan Respublikasının səfirliyi” sözləri yazılmış lövhənin üzərindən örtüyü götürdü, səfirliyin binası ilə tanış oldu. Binanın foyesində ulu öndər Heydər Əliyevin büstü qoyulmuşdur.

Respublikamızın Fransadakı səfiri Tarik Əliyev Parisin mərkəzində yerləşən, artıq Azərbaycan Respublikasına məxsus olan dördmərtəbəli yaraşıqlı bina barədə ətraflı məlumat verdi və bildirdi ki, burada diplomatlarımızın normal fəaliyyəti üçün hər cür şərait yaradılmışdır.

Prezident İlham Əliyev sonra mərasimdə nitq söylədi.