AZƏRBAYCAN PREZİDENTİNİN ABŞ-A SƏFƏRİ ZAMANI ƏMƏKDAŞLIĞIN DƏRİNLƏŞDİRİLMƏSİ MƏSƏLƏLƏRİ MÜZAKİRƏ OLUNACAQDIR
Azərbaycanda üçillik fəaliyyətindən məmnun qaldığını diqqətə çatdıran səfir bildirmişdir ki, bu dövrdə ABŞ-Azərbaycan münasibətləri möhkəmlənmiş, qarşılıqlı etimad güclənmişdir. Birləşmiş Ştatların Azərbaycanla bir çox sahələrdə, o cümlədən siyasi, iqtisadi, enerji təhlükəsizliyi məsələlərində uğurla əməkdaşlıq etdiyini vurğulayan diplomat, qlobal terrorizmə qarşı mübarizədə fəal iştirakına görə, ABŞ xalqının Azərbaycan hökumətinə və xalqına təşəkkürünü çatdırmışdır.
Azərbaycan Prezidenti İlham Əliyevin ABŞ-a qarşıdakı səfərinə toxunan R.Harniş səfər proqramının zəngin olduğunu açıqlamış, keçiriləcək görüşlərdə geniş əməkdaşlıq əlaqələrinin gələcək inkişafı üçün atılacaq addımların müzakirə ediləcəyini söyləmişdir.
Ölkəmizdən xoş hisslərlə ayrıldığını vurğulayan səfir, azərbaycanlıların gözəl, mehriban və qonaqpərvər insanlar olduğunu söyləmişdir. Diplomat, Prezident İlham Əliyevin ABŞ-a səfərindən sonra Dövlət Departamentində yeni vəzifəsinin icrasına başlayacağını diqqətə çatdırmışdır.
R.Harniş sonda jurnalistlərlə xatirə şəkili çəkdirmişdir.
Bölmənin digər xəbərləri
