AZƏRBAYCAN RESPUBLİKASI PREZİDENTİNİN MƏTBUAT XİDMƏTİNİN MƏLUMATI
Fevralın 5-də Azərbaycan Respublikasının Prezidenti Heydər Əliyevin yanında müşavirə keçirilmişdir.
Müşavirədə Bakı-Tbilisi-Ceyhan əsas ixrac boru kəməri layihəsinin həyata keçirilməsi ilə bağlı məsələlər müzakirə olunmuşdur.
Müşavirədə Azərbaycan Respublikasının Prezidenti Heydər Əliyev layihə üzrə işlərin gedişi, qarşıda duran vəzifələr haqqında geniş çıxış etmişdir.
Azərbaycan Beynəlxalq Əməliyyat Şirkətinin prezidenti Devid Vudvord, Gürcüstan Dövlət Neft Korporasiyasının prezidenti Georgi Çanturiya, Türkiyənin Azərbaycan Respublikasındakı səfiri Əhməd Ünal Çeviköz çıxış edərək, müzakirə olunan məsələlər barəsində məlumat vermişlər.
Müşavirədə Azərbaycan Respublikasının baş naziri Artur Rasizadə, dövlət müşaviri Vahid Axundov, yanacaq və energetika naziri Məcid Kərimov, Dövlət Neft Şirkətinin prezidenti Natiq Əliyev, Gürcüstanın Azərbaycan Respublikasındakı səfiri Zurab Qumberidze və digər rəsmi şəxslər iştirak etmişlər.
Bölmənin digər xəbərləri
