AZƏRBAYCAN RESPUBLİKASININ NAZİRLƏR KABİNETİNDƏ
Azərbaycan Respublikası ərazisində nəzarət-kassa aparatının istehsalı, tətbiqi və istismarı üzrə işlərin əlaqələndirilməsi, nağd pul hesablaşmalarının aparılması qaydalarının təkmilləşdirilməsi və nağd pul vəsaitlərinin dövriyyədən yayındırılmasının qarşısının alınması məqsədi ilə Azərbaycan Respublikasının Nazirlər Kabineti qərara almışdır ki, “Nəzarət-kassa aparatları üzrə sahələrarası ekspert komissiyasının yaradılması haqqında” Azərbaycan Respublikası Nazirlər Kabinetinin 1995-ci il 12 iyun tarixli 138 nömrəli qərarı ilə yaradılmış Komissiyasının yeni tərkibi təsdiq edilsin.
Azərbaycan Respublikası Nazirlər Kabinetinin “Azərbaycan Respublikası ərazisində əhali ilə nağd pul hesablaşmalarının aparılmasında nəzarət-kassa aparatlarının tətbiq olunması haqqında” 1995-ci il 18 iyul tarixli 168 nömrəli qərarı ilə təsdiq edilmiş “Azərbaycan Respublikasında nəzarət-kassa aparatları üzrə sahələrarası ekspert Komissiyası haqqında Əsasnamə”yə aşağıdakı dəyişiklik və əlavələr edilsin:
3-cü bölmənin 3.1-ci bəndinin 3.1.2-ci yarımbəndi aşağıdakı redaksiyada verilsin:
“Azərbaycan Respublikasında ticarət, ictimaiiaşə və xidmət sahəsi müəssisələrində istifadəsinə icazə verilən nəzarət-kassa aparatlarının modellərinin Dövlət reyestrinə daxil edilməsi və mənəvi köhnəlmiş, yeni tələblərə uyğun gəlməyən nəzarət-kassa aparatları modellərini Dövlət reyestrindən çıxarılması.”;
3-cü bölmənin 3.1-ci bəndinə aşağıdakı yarımbəndlər əlavə edilsin:
“3.1.9. Azərbaycan Respublikasında istifadəsinə icazə verilmiş nəzarət-kassa aparatlarının, yerləşdikləri inzibati ərazidən və ümumi sahəsindən asılı olaraq ticarət, ictimaiiaşə və xidmət müəssisələri üzrə tətbiq olunan modellərinin müəyyənləşdirilməsi.
3.1.10. İstifadəsinə icazə verilmiş nəzarət-kassa aparatlarının Dövlət reyestri üzrə ümumi qeydiyyatının aparılması üçün məlumatların Azərbaycan Respublikasının Vergilər Nazirliyinə təqdim edilməsi.”;
4-cü bölmənin 4.1-ci bəndinin 4.1.4-cü yarımbəndi çıxarılsın, 4.1.5, 4.1.6, 4.1.7, 4.1.8-ci yarımbəndləri müvafiq olaraq 4.1.4, 4.1.5, 4.1.6, 4.1.7-ci yarımbəndlər hesab edilsin.
“Nəzarət-kassa aparatları tətbiq edilmədən əhali ilə pul hesablaşmalarının aparılmasına icazə verilən ayrı-ayrı kateqoriyalı obyektlərin Siyahısı” təsdiq edilsin.
Bu qərarın 3-cü bəndi ilə müəyyən olunmuş siyahıya daxil edilməyən obyektlərdə və birdəfəlik rüsum ödənilməsi nəzərdə tutulmayan yerlərdə stasionar fəaliyyət göstərən şəxslərlə nağd pul hesablaşmaları 2001-ci il 1 sentyabr tarixdən başlayaraq, nəzarət-kassa aparatları üzrə sahələrarası ekspert komissiyasının müəyyən etdiyi mərhələlərə uyğun olaraq nəzarət-kassa aparatları tətbiq edilməklə aparılsın.
Azərbaycan Respublikası Nazirlər Kabinetinin 1995-ci il 28 dekabr tarixli 226 nömrəli qərarının 2-ci bəndi qüvvədən düşmüş hesab edilsin. Bu qərarla təsdiq edilmiş “Azərbaycan Respublikasında nəzarət-kassa aparatlarının satışı, istismarı, servis texniki xidmət və təmiri qaydaları haqqında Əsasnamə”nin 2-ci bölməsinin 2.2.6 və 2.2.8 bəndləri çıxarılsın və 2.2.7, 2.2.9, 2.2.10, 2.2.11, 2.2.12, 2.2.13 və 2.2.14 bəndləri müvafiq olaraq 2.2.6, 2.2.7, 2.2.8, 2.2.9, 2.2.10, 2.2.11 və 2.2.12 bəndlər hesab edilsin.
Bu qərarın icrasına nəzarət Azərbaycan Respublikası Nazirlər Kabineti İşlər İdarəsinin iqtisadiyyat və maliyyə-kredit siyasəti və müdafiə sənayesi şöbələrinə tapşırılsın.
Bu barədə AZƏRTAC-a Nazirlər Kabinetinin mətbuat mərkəzindən məlumat vermişlər.
Bölmənin digər xəbərləri
