AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Azərbaycanın milli bayramı – Respublika günü münasibətilə tatarıstanlılar adından və şəxsən öz adımdan Sizə ən səmimi təbriklərlə müraciət etməyimə şadam. Sizə və qardaş Azərbaycan xalqına səmimi qəlbdən əmin-amanlıq və Azərbaycan Respublikasının tərəqqisi naminə uğurlar arzulayıram.
Respublikalarımız arasında qarşılıqlı əlaqələrin yüksək səviyyəsini, ticarət-iqtisadi və mədəni münasibətlərin inkişafının müsbət dinamikasını dərin məmnunluq hissi ilə qeyd edirəm. Ümidvaram ki, xalqlarımızı birləşdirən mənəvi yaxınlıq, ənənəvi dostluq telləri, qarşılıqlı xeyirxahlıq və etibarlılıq Rusiya və Azərbaycan xalqlarının mənafeləri naminə Tatarıstan Respublikası ilə Azərbaycan Respublikası arasında çoxtərəfli və qarşılıqlı surətdə faydalı əməkdaşlığın dərinləşməsi üçün bundan sonra da möhkəm əsas olacaqdır.
Hörmətlə,
Mintimer Şaymiyev
Tatarıstan Respublikasının Prezidenti
Bölmənin digər xəbərləri
