RƏSMİ XRONİKA
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Zati-aliləri,
Azərbaycanın milli bayramı münasibətilə Hindistan xalqı adından dost Azərbaycan xalqına səmimi təbriklərimi və salamlarımı çatdırıram.
Hindistan və Azərbaycanı əsrlər boyu sıx mədəni, iqtisadi və xalqlararası tellər bağlayıbdır. Bu möhkəm bünövrə əsasında ölkələrimiz qarşılıqlı surətdə faydalı dostluq münasibətlərinin möhkəmləndirilməsi üçün birgə çalışmışdır. Mən ölkələrimiz və xalqlarımız arasında çoxşaxəli əməkdaşlığın daha da yüksəlməsini ürəkdən arzulayıram.
Zati-alilərinizə cansağlığı və xoşbəxtlik, Azərbaycan xalqına isə əmin-amanlıq və rifah diləyi ilə ən xoş arzularımı qəbul etməyinizi xahiş edirəm.
Ən yüksək ehtiramla,
Avul Pakir Ceynulabdin Əbdül Kalam
Hindistan Respublikasının Prezidenti