AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Milli bayramınız münasibətilə Sizə, Azərbaycan hökumətinə və xalqına ən səmimi təbriklərimi çatdırmaqdan böyük məmnunluq hissi duyuram.
XXI əsrdə sülh, inkişaf və insan ləyaqətini ön plana çəkmək məqsədi ilə Birləşmış Millətlər Təşkilatı xidmət etdiyi xalqlar qarşısında səmərəliliyini və cavabdehliyini davam etdirməlidir. Biz buna aclığın, xəstəliklərin yayılmasının qarşısının alınması və ya demokratiyanın möhkəmləndirilməsi naminə çalışmaqla, terrorizmə qarşı mübarizə aparmaqla, qanunun aliliyinə hörmət etməklə, sülhü qorumaqla və ətraf mühiti mühafizə etməklə nail ola bilərik.
Ədalətli və sülhsevər qlobal cəmiyyət qurmağa müvəffəq olmaq istəyiriksə, bizi gələcəkdə hələ çox işlər gözləyir. Birgə səylərimizi davam etdirməklə yanaşı, Birləşmiş Millətlər Təşkilatı Azərbaycan hökumətinin və xalqının davamlı dəstəyinə və köməyinə arxalanmaqdan çox məmnundur.
Zati-aliləri, ən yüksək ehtiramımı qəbul etməyinizi xahiş edirəm.
Kofi Annan
Birləşmiş Millətlər Təşkilatının baş katibi
Bölmənin digər xəbərləri
