RƏSMİ XRONİKA
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
İcazə verin, Azərbaycan Respublikasının milli bayramı – Respublika günü münasibətilə Sizi və bütün Azərbaycan xalqını ürəkdən təbrik edim və Sizə bütün Qırğızıstan Respublikası xalqının ən səmimi və mehriban təbriklərini yetirim.
Qardaş xalqlarımız arasındakı dostluq və qarşılıqlı hörmət münasibətləri dövlətlərimizin əlaqələrində həmişə fərqləndirici xüsusiyyət olmuşdur və məhz bu əlaqələr qarşılıqlı surətdə faydalı siyasi və ticarət-iqtisadi əməkdaşlığın inkişafının möhkəm təməlini qoymuşdur. Qəti əminəm ki, dövlətlərimiz arasındakı ikitərəfli əməkdaşlıq hələ öz zirvəsinə çatmayıb və xalqlarımızın tərəqqisi naminə daha da inkişaf etdirilməsini və möhkəmləndirilməsini tələb edir.
Hörmətli İlham Heydər oğlu, fürsətdən istifadə edərək, Sizə və bütün yaxınlarınıza möhkəm cansağlığı, xoşbəxtlik və əmin-amanlıq, ağır və məsul dövləti fəaliyyətinizdə uğurlar, bütün qardaş Azərbaycan xalqına isə sülh, elliklə tərəqqi və firavanlıq arzulamaq istəyirəm.
Hörmətlə,
Kurmanbek Bakiyev
Qırğızıstan Respublikasının Prezidenti