AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Azərbaycan Respublikasının milli bayramı münasibətilə Sizə və Azərbaycan Respublikasının bütün vətəndaşlarına ən səmimi təbriklərimi bildirməyi, cansağlığı və rifah arzularımı çatdırmağı özümə şərəf bilirəm.
Ölkələrimiz arasında mövcud olan əməkdaşlığın münasib aspektlərini müzakirə etmək, ticarət və iqtisadiyyatdan tutmuş sosial və mədəni sahələr də daxil olmaqla, bütün istiqamətlərdə mövcud əməkdaşlıq potensialından bütövlükdə faydalanmaq istəyi ilə gələcək görüşümüzü böyük maraqla gözləyirəm.
Ümid edirəm ki, bu görüş 2006-cı ilin 5 iyun tarixində Buxarestdə keçiriləcək “Dialoq və tərəfdaşlıq naminə” Qara dəniz Forumu çərçivəsində baş tutacaq və bu da öz növbəsində Qara dəniz regionu ölkələrinin hər birimiz üçün problem doğuran və həlli ölkələrimizin əməkdaşlığı sayəsində tapıla bilən məsələləri qeyri-rəsmi şəraitdə müzakirə etmək üçün bir fürsət olacaqdır.
Cənab Prezident, Azərbaycan Respublikasının milli bayramı münasibətilə Sizi bir daha təbrik edir və ən yüksək ehtiramımı qəbul etməyinizi xahiş edirəm.
Trayan Besesku
Rumıniyanın Prezidenti
Buxarest, 28 may 2006-cı il.
Bölmənin digər xəbərləri
