AZƏRBAYCAN ŞAHMATÇILARI DÜNYA ÇEMPİONATININ ÜÇÜNCÜ TURUNDA MƏĞLUBİYYƏTLƏ ÜZLƏŞMİŞLƏR
Bakı, 7 yanvar (AZƏRTAC). Yanvarın 7-də Türkiyənin Bursa şəhərində keçirilən şahmat üzrə komandalararası dünya çempionatının 3-cü turunda Azərbaycan komandası Hindistan yığmasına məğlub olmuşdur.
Komandamıza ilk xalı dördüncü taxtada mübarizə aparan Şəhriyar Məmmədyarov gətirmişdir. Şahmatçımız ağ fiqurlarla Narayanan Qopalı təslim edərək, turnirdə ardıcıl üçüncü qələbəsini qazanmışdır.
İkinci taxtada komandamızın şərəfini qoruyan Teymur Rəcəbov isə Pentala Xarikrişnanın müqavimətini qıra bilməyərək, nəticədə rəqibi ilə “sülh” bağlamışdır.
Təəssüflər olsun ki, yığmanın birinci və üçüncü taxtada çıxış edən üzvləri məğlubiyyətlə üzləşmişlər. Vüqar Həşimov gözlənilmədən Krişnan Saşikirana, Qadir Hüseynov isə Suriya Qanquliyə uduzmuşlar. Beləliklə, Azərbaycan və Hindistan şahmatçılarının görüşü müvafiq olaraq 1,5:2,5 xal hesabı ilə nəticələnmişdir.
Bölmənin digər xəbərləri
