Azərbaycan Şanxay Əməkdaşlıq Təşkilatında daha yüksək səviyyəli əməkdaşlıqda əzmlidir
Pekin, 1 sentyabr, AZƏRTAC
Azərbaycan dialoq üzrə tərəfdaş statusu ilə təmsil olunduğu Şanxay Əməkdaşlıq Təşkilatında (ŞƏT) daha yüksək səviyyəli əməkdaşlıqda əzmlidir. Bu fikri Azərbaycanın Çində yeni təyin olunmuş səfiri Əkrəm Zeynallı təşkilatın baş katibi Rəşid Alimov ilə görüşündə deyib.
AZƏRTAC xəbər verir ki, görüşdə Azərbaycanın ŞƏT-in dialoq üzrə tərəfdaş statusu çərçivəsində əməkdaşlığın vəziyyəti və perspektivləri ilə bağlı ətraflı fikir mübadiləsi aparılıb.
Səfir Ə.Zeynallı dialoq üzrə tərəfdaş statusunun Azərbaycan və təşkilat üçün faydalı olduğunu bildirib, fəaliyyəti dövründə əməkdaşlığın daha da genişlənməsi istiqamətində səylərini əsirgəməyəcəyini vurğulayıb.
ŞƏT-in baş katibi R.Alimov Azərbaycan səfirini yeni təyinatı münasibətilə təbrik edib, ona gələcək fəaliyyətində uğurlar arzulayıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
