Azərbaycan taekvondoçusu Radik İsayev Yaponiya Qran-Prisində bürünc medala sahib olub
Bakı, 14 sentyabr, AZƏRTAC
Azərbaycan taekvondoçusu Radik İsayev Yaponiyada keçirilən taekvondo üzrə Qran-Pri turnirində bürünc medala sahib olub.
AZƏRTAC xəbər verir ki, G4 kateqoriyalı yarışda 80 kiloqramdan yuxarı çəki dərəcəsində mübarizə aparan R.İsayev ilk rəqibi komanda yoldaşı Ramin Əzizova, daha sonra böyük britaniyalı Lutalo Məhəmməd və Qazaxıstan idmançısı Ruslan Zaparova qalib gələrək yarımfinal mərhələsinə yüksəlib. Bu mərhələdə dünya çempionumuz rusiyalı Vladislav Larina məğlub olaraq yarışı fəxri kürsünün üçüncü pilləsində başa vurub.
Sentyabrın 15-də başa çatacaq turnirdə Azərbaycan yığması 8 idmançı ilə təmsil olunur.
Turnirin qalibi aktivinə 40 reytinq xal əlavə edəcək.
Bölmənin digər xəbərləri
