Azərbaycan Texniki Universitetində yay imtahan sessiyası ilk dəfə onlayn keçirilir
Bakı, 8 iyun, AZƏRTAC
İyunun 8-dən Azərbaycan Texniki Universitetində 2019-2020-ci tədris ilinin yaz semestrinin yay imtahan sessiyası başlanıb.
Universitetdən AZƏRTAC-a bildirilib ki, imtahanlar onlayn formatda şifahi aparılır. Tələbələrə imtahanların başlamasına 15 gün qalmış hər fənn üzrə 25 sual təqdim olunub. Onlar bu suallardan istədiyi 5 sualı cavablandırıb qiymət ala biləcək.
Bakalavrların biliyinin qiymətləndirilməsində ilk dəfə olaraq fənn müəllimləri ilə yanaşı, 2-ci kurs əlaçı magistrantlar arasından seçilən tələbələrin də rəyi nəzərə alınacaq.
İmtahanlar iyulun 10-dək davam edəcək.
Bölmənin digər xəbərləri
