İQTİSADİYYAT
Azərbaycan Türkiyənin kimya ixracatında ilk onluğa daxildir
Bakı, 9 avqust (AZƏRTAC). Azərbaycan Türkiyənin son bir ildə kimya məhsulları ixracatında ilk onluğa daxildir.
AZƏRTAC Türkiyə kütləvi informasiya vasitələrinə istinadla xəbər verir ki, İstanbul Kimyəvi Maddələr və Məhsullar İxracatçıları Birliyi bu ilin yeddi ayı üzrə fəaliyyətinə dair açıqlama yaymışdır. Məlumatda bildirilir ki, ötən ilin eyni dövrü ilə müqayisədə Türkiyədə kimya məhsullarının ixracatı 38,57 faiz artaraq 1 milyard 361 milyon dollar təşkil etmişdir.
Türkiyənin kimya məhsulları ixracatında Azərbaycan ilk onluqda göstərilmişdir. Türkiyədən Azərbaycana ixrac olunan kimya məhsullarının əsas hissəsi Naxçıvana göndərilir.