Araşdırma: İtlər insan mesajlarını sözlər olmadan da anlaya bilir
Bakı, 10 iyun, AZƏRTAC
Yeni araşdırma göstərib ki, itlər insanların verdiyi bəzi mesajları sözlərdən deyil, səs tonu və digər akustik xüsusiyyətlərdən anlayırlar.
AZƏRTAC “Phys.org” saytına istinadla xəbər verir ki, macarıstanlı tədqiqatçılar tərəfindən aparılan araşdırma zamanı itlərin təşviqedici və çəkindirici siqnalları ayırd edə bildiyi müəyyən olunub. Təcrübədə it sahibləri ev heyvanları ilə yalnız mənasız “bü” hecasından istifadə edərək ünsiyyət qurublar.
Nəticələr göstərib ki, itlər səs tonu, ritm və digər akustik xüsusiyyətlər vasitəsilə verilən mesajları düzgün şərh edərək ona uyğun reaksiya veriblər.
Bölmənin digər xəbərləri
