Azərbaycan və BƏƏ qarşılıqlı investisiyaların təşviqi məqsədilə Biznes Şurası yaradacaq
Bakı, 3 noyabr, AZƏRTAC
İqtisadiyyat naziri Mikayıl Cabbarov həmkarı Abdulla Bin Touq Al Marri ilə Azərbaycan Respublikası Hökuməti və Birləşmiş Ərəb Əmirlikləri Hökuməti arasında iqtisadi, ticarət və texniki əməkdaşlıq üzrə Birgə Hökumətlərarası Komissiyanın iclasının yekunlarına dair protokol imzalayıb.
AZƏRTAC xəbər verir ki, bu barədə iqtisadiyyat naziri Mikayıl Cabbarov bildirib.
“Sənədə əsasən, ölkələrimiz arasında iqtisadiyyatın müxtəlif sahələrində əlaqələrin intensivləşdirilməsi üçün müvafiq tədbirlər həyata keçiriləcək, işgüzar münasibətlərin, KOB-lar arasında əməkdaşlığın genişləndirilməsi və qarşılıqlı investisiyaların təşviqi məqsədilə Biznes Şurası və işçi qruplar yaradılacaq”, - deyə nazir qeyd edib.
Bölmənin digər xəbərləri
