Azərbaycan və Türkiyə arasında multikultural dəyərlərə əsaslanan əməkdaşlıq müzakirə olunub
Bakı, 26 dekabr, AZƏRTAC
Dini Qurumlarla İş üzrə Dövlət Komitəsinin sədr müavini Gündüz İsmayılovun rəhbərlik etdiyi nümayəndə heyəti Türkiyədə səfərdədir.
Komitədən AZƏRTAC-a bildirilib ki, səfər çərçivəsində nümayəndə heyətinin İğdır şəhərində vali Ercan Turan və müfti Zahit Demirellə görüşləri keçirilib.
Görüşlər zamanı Azərbaycan və Türkiyə arasında ortaq etnik, mədəni köklərə əsaslanan dostluq, qardaşlıq münasibətlərinin hər iki ölkənin dövlət başçılarının uzaqgörən siyasəti nəticəsində dinamik şəkildə inkişaf etdiyi vurğulanıb. Azərbaycanın mədəniyyətlər, dinlərarası dialoq və əməkdaşlıq məsələlərinə daim böyük qayğı ilə yanaşdığı, multikulturalizm ideyalarının dünyanın və bəşəriyyətin ümumi sərvətlərindən biri kimi qorunmasının vacibliyi bildirilib.
Qeyd edək ki, nümayəndə heyətinin, həmçinin Qars şəhərində bir sıra rəsmi görüşlər keçirməsi nəzərdə tutulur.
Bölmənin digər xəbərləri
