Azərbaycan və Vyetnamın işgüzar dairələri arasında əməkdaşlıq müzakirə olunub
Hanoy, 10 may, AZƏRTAC
Vyetnamda səfərdə olan Azərbaycan Qadın Sahibkarlığının İnkişafı Assosiasiyasının (AQSİA) nümayəndə heyəti Vyetnamın müvafiq qurumları ilə iki ölkə arasında işgüzar dairələri arasında əməkdaşlıq məsələlərini müzakirə edib.
AZƏRTAC xəbər verir ki, Vyetnam Qadın Sahibkarlar Şurasının (VQSŞ) sədri xanım Nquyen Thi Tuyet Minh, Vyetnam Ticarət və Sənaye Palatasının rəhbərliyi ilə keçirilmiş görüşlərdə iki ölkənin işgüzar qadınlarının əməkdaşlığı üçün imkanların araşdırılması və beynəlxalq əməkdaşlığın genişləndirilməsinin önəmi vurğulanıb.
AQSİA-nın idarə heyətinin sədri Səkinə Babayeva assosiasiyanın fəaliyyəti haqqında məlumat verib.
Azərbaycanın Vyetnamdakı səfiri Şövqi Mehdizadə ölkələrimiz arasında əlaqələrin müxtəlif sahələrdə inkişaf etdiyini diqqətə çatdıraraq, iki ölkənin işgüzar dairələrinin əməkdaşlığında qadın sahibkarların rolunu vurğulayıb.
İki ölkənin sahibkarları arasında əlaqələrin yaradılması istiqamətində ilk dəfə olaraq belə bir görüşün keçirilməsinin əhəmiyyəti qeyd edilib.
AQSİA-nın üzvləri Azərbaycanın Vyetnam ilə potensial sahələri üzrə əməkdaşlıq barədə təkliflər irəli sürüblər.
Şahin Cəfərov
AZƏRTAC-ın xüsusi müxbiri
Hanoy
Bölmənin digər xəbərləri
